आर्थिक विकासमा बैंक तथा वित्तीय क्षेत्रको लगानी
आर्थिक विकासमा बैंक तथा वित्तीय क्षेत्रको लगानी कुनै पनि मुलुकको आर्थिक विकासको गति अगाडि बढाउन बैंकिंग क्षेत्रले महत्त्वपूर्ण भूमिका निर्वाह गरेको हुन्छ । अन्तर्राष्ट्रिय अर्थ व्यवस्थामा तीव्ररूपमा देखिएको उदारीकरण, भूमण्डलीकरण र निजीकरणको बढ्दो माग एवं चुनौती आत्मसात गर्न तथा उपक्षेत्रीय, क्षेत्रीय र बहुपक्षीय व्यापार विकासको अवधारणाप्रति नेपालको प्रतिबद्धतालाई आर्थिक विकासको माध्यम बनाउनका लागि पनि बैंकिंग क्षेत्रको ठूलो योगदान रहेको छ । यस अर्थमा बैंकिंग क्षेत्रको दिगो विकासबिना आधुनिक अर्थतन्त्रको कल्पनासमेत गर्न सकिंदैन । बैंकिंग क्षेत्रले लगानीकर्ताको माग पूर्ति गर्ने मात्र होइन, मुख्यरूपमा यसले वित्तीय साधन उपलब्ध गराउँछ । वित्तीय साधनको अभावले आर्थिक गतिविधिमा सङ्कुचन आएर अन्तत: यसले मुलुकमा गरिबी र बेरोजगारी बढाउने, आधुनिकीकरण र शहरीकरणको गति अवरुद्ध पार्ने, उच्च दरमा मूल्यवृद्धि हुने, जनतामा नैराश्य उत्पन्न भई समाजमा द्वन्द्व उत्पन्न हुने, हत्या–हिंसा र असुरक्षा बढ्ने तथा सामाजिक, आर्थिक र राजनैतिक विशृङ्खलता बढ्न गई मुलुक अधोगतितिर लाग्छ । वास्तवमा बैंकिंग क्षेत्रले